林明禎晒高衩玉背險露裙底春光　林保怡柳岩成影帝影后

《澳淶塢國際電影電視節》昨晚（23日）於澳門舉行，當中就邀得女神林明禎到現場力撐，只見佢以一襲風情萬種嘅異域打扮現身，戴上金光閃閃頭紗配Deep V高衩晚裝，一轉身更見到套衫係超大露背，配上佢仙氣靚樣，真係引死人。見佢上載咗多條轉圈片，就知佢對套衫好滿意，不過因為係高衩關係，佢多次風騷轉身時均見到佢白滑大腿展露人前，神秘三角位置更係若隱約現，女神忽然賣大包，真係令人非常心動！

當晚內地女星柳岩以電影《來福大飯店》「馬小琳」一角獲得金莉花全球最佳女主角，影帝寶座則由林保怡以電影《白日之下》「院長」一角奪得。柳岩表示澳門係佢福地，五年前憑《受益人》於澳門拎到人生中第一個獎項，今次獲獎佢都要感謝組委會認可，感謝導演拍咗一部溫暖嘅治愈片，令佢一舉拿下影后殊榮。而方中信就憑藉電影《金手指》榮獲全球最佳男配角獎。