馬國明任代言賀入行24年　Cosplay上陣爆喜感

「佛系視帝」馬國明轉眼已入行24年，事業與家庭兼備，近來太太「靚湯」疑似有孕，認真可喜可賀。他早前為迷你倉拍攝的廣告中，以「24變」造型化身「玩具珍藏家馬鴨明」、「Cosplayer ASMingZ_」及「萬能工具王明哥」，大晒視帝級「變臉」演技，對抗另一半的「整理雜物煩音」時，更高呼「唔好俾空間限制你嘅馬明」，勢必成為全港男士的「志氣Bite」！

馬國明直言今次廣告是入行以來造型最百變的一次，過程相當過癮，並笑說：「以前拍劇扮過死屍、囚犯、醫生及律師等，連女人與小強都扮過，但就從未試過執事造型，更是首次踏入二次世界，雖然我唔算熱衷網路文化，但都有看《晚安大小姐》嘅片段，所以立即拍照SEND俾屋企個『大小姐』欣賞，以執事造型同佢講晚安，反對唔錯呀！」