陳豪賺錢養家錫到燶　陳茵媺拎60萬包包震撼網友

視帝陳豪出名錫晒太太陳茵媺，除咗婚後唔使佢再開工外，仲對太太有求必應，所以見佢都好鬼努力賺錢養家，本身吸金力極強嘅佢，被指年賺三千萬，更不時買奢侈品包包送太太，日前陳茵媺就晒出近照，網民唔再睇佢個靚樣，因為佢手上拎住價值近60萬嘅奢侈品牌鱷魚皮手袋，搶鏡程度100分！陳茵媺過往亦曾晒出唔同款式嘅貴價手袋，保守估計超過20個，總值至少200萬。