戴祖儀化身女車神玩賽車　自封：戴囂張

無綫小花戴祖儀早前跟黎諾懿出埠，騎電動三輪車期間笑指要表演飄移，結果出「車禍」連人帶車翻側，導致四腳朝天，狀甚狼狽，不過向來「心口掛勇字」的她並未有因此留下陰影，更嘗試挑戰更高級別！祖儀在社交網晒相，寫道：「今次真係頭搖又尾擺，連車尾燈都見唔到啊！因為飛左出去～下次第一仲唔是禾！」原來她早前化身女車神，跟好友周柏豪一起挑戰小型賽車，一身賽車手打扮的她，獲粉絲們大讚又靚又型格。周柏豪留言：「真係揸得好唔係講笑！」吳若希留言：「吓！估你唔到」，祖儀即回覆：「唔係講笑，我堅勁！我依家叫戴囂張！」粉絲們則留言：「梗係睇唔到啦 因為車尾冇燈呀嘛」、「喂！第二張相得喎個鬥雞」，祖儀回覆説：「鬥雞嚟講我都好勁」，十分搞笑。