鮮娛糧︱冼靖峰自爆畀人蝦　黃奕斌鍾柔美雙雙中箭

韓國人氣女團BLACK PINK成員Rose日前推出新歌《APT.》即爆紅，短短6日更突破1億點擊率，認真犀利。隨着歌曲《APT.》爆紅，冼靖峰、黃奕斌及鍾柔美亦隨即跟風拍片，而有一定舞蹈底子嘅黃奕斌及鍾柔美，跳起上嚟自然毫無難度，不過就難為咗冼靖峰，輕快嘅拍子有少少跟唔上之餘，仲令佢忍唔住崩潰大嗌：「呀！等陣！唉！」事後冼靖峰亦留言道：「係要蝦我！」直率反應引嚟唔少網友大讚可愛。

而將於今日（25日）推出新歌《lit》嘅黃奕斌，亦留言預告會搵冼靖峰一齊cover新歌：「到時候搵你跳lit。」對此，冼靖峰亦回應道：「搵我跳ok，唔好臨拍前先話畀我聽要跳就更好了。」