薛凱琪破dry黑衫男埋身　「三人行」小背心賣大包

歌手薛凱琪（Fiona）北上發展多年，近乎零緋聞埋身，唔少粉絲都擔心偶像太dry，望女神可以早日搵到好姻緣，幸福快樂。近日佢感情世界終於都疑有起色，有網民喺北京三里屯目擊到薛凱琪同友人打邊爐，除咗同行有位長髮靚女，薛凱琪身邊更出現一位手臂有紋身嘅黑衫男仔陪到實。網友大讚薛凱琪又白又瘦，以小背心上陣現身餐廳，一行出嚟就發晒光咁，見佢同黑衫男到醬料區調配醬料，黑衫男仲溫柔地幫薛凱琪倒鼓油，之後齊齊行番埋位。雖然同行仲有三、四位友人，不過見薛凱琪與黑衫男密密膊貼膊咁行，唔知係咪桃花開呢？