趙麗穎遇天敵感煩惱　深情剖白：我不想減肥

內地獲獎無數嘅視后趙麗穎，早前憑主演劇集《風吹半夏》，一舉勇奪「飛天獎」視后，以及「金鷹獎」視后寶座，斐然佳績亦奠定佢一線花旦嘅地位。而近日由佢同辛芷蕾主演嘅電影《喬妍的心事》，更係未上映就已經掀起熱議外，片中飾演娛樂圈大明星嘅趙麗穎，亦罕見分享做藝人嘅最大心事：「我不想減肥，不想身材管理，想要胡吃海塞，不想健身。」講完呢番說話，更係連佢自己都忍唔住想笑，引嚟唔少網友留言道：「太能理解了，吃不飽賺那麼多錢，我真的覺得很苦。」、「這是大家的心事呀！」

此外，時隔6年再獻聲嘅佢，亦喺電影《喬妍的心事》中開金喉唱片尾曲，清新得嚟又空靈嘅美聲，引嚟唔少網友留言激讚：「不得不說，趙麗穎的聲音真是太適合唱歌了！」、「6年后再度為新片獻唱，這歌聲依舊那麼動聽、那麼感人，讓人久久難以忘懷。」、「太久沒聽到她的歌聲了，感動！」、「她的歌聲宛如天籟，讓人陶醉其中。」