李思欣「老公」有小三　情緒崩潰話喊就喊

藝人李思欣離開無綫多年，但仍不時有參與電影及電視劇演出，過吓戲癮。之前她客串的新劇終於播放，劇中她飾演家庭主婦，婚後因為過於依賴老公，失去自己價值，後來老公更有小三要離婚，情緒一度崩潰，幸而得到劇中飾演好友的陸駿光及張紋嘉的支持，才走出陰霾。

思欣接受東網獨家訪問時，坦言拍攝時導演要求她全程要化憔悴妝，她說：「劇中有好多古仔，我就客串一集，個角色都好寫實，希望可以觸動人心。」說到劇中喊戲連場，思欣話喊就喊，相當好戲，對此她謂：「唔難嘅，只要代入番個角色就自然會喊到，依家唔係主力拍戲，有時接吓劇拍可以過吓戲癮都開心嘅。」