趙露思再陷整容疑雲　側面對比圖1部位明顯有變化

有「甜寵女神」之稱嘅內地小花趙露思，近年人氣高踞不下嘅同時更是非纏身，不時陷入整容疑雲嘅佢，早前一張公開活動上嘅側拍照，竟然再度掀起熱議。

近日，內地社交網流傳一張趙露思剪短頭髮前，出席公開活動嘅照片，只見當日以招牌長髮現身嘅佢，身穿露肩禮服裙，騷出白滑美背及小露線頭，盡展成熟魅力外，整場活動中佢更主動不斷同粉絲互動，並擺出各種可愛調皮姿勢冧粉絲。然而，其中一張未經修圖嘅側面照中，趙露思卻被質疑下巴有變化，對比過去變得更尖，引嚟唔少網友留言道：「感覺又變了，臉更尖了。」、「下巴整成這樣。」、「這無法靠化妝！」甚至仲有網友認為鼻子側面都有變化，對此趙露思嘅粉絲則認為純粹係拍攝角度問題造成。

面對外界嘅質疑，趙露思亦曾喺直播間回應過：「我有一些自己的經驗，是自己一點點成長，包括一些努力換來的結果。」並笑稱：「誰不想愈變愈美、愈變愈好呢？」引嚟外界揣測趙露思整容之餘，工作室更曾針對整容疑雲發出聲明，強調將追究散布及造謠誹謗侵權的用戶相關法律責任。