天后Adele自爆中罕見細菌致一耳失聰　痛過生仔

英國天后Adele日前於美國拉斯維加斯開駐場騷時，自爆今年8月於德國慕尼黑開騷期間受到罕見水中病菌感染，導致左耳暫時失聰！

她表示：「我耳仔受到感染，都幾嚴重。我之前未試過，從來都冇咁痛過，仲慘過生仔。佢係隻好罕見嘅病菌，好難醫。我開頭幾日食咗種錯嘅抗生素，但之後佢哋換咗隻有效嘅畀我。我有幾次直頭想切咗隻耳仔。我依家冇再痛啦，係好事但我左耳仲係有啲聾。」