鹿晗鄧超同做一事登熱搜　4千萬人見證「父子情」

內地流量花旦孫儷老公鄧超，最近被拍發現街頭同人爆口角，因為有代拍對住二人小朋友塊臉近距離拍攝，嚇親孩子而引發事件。依家心情平復番嘅鄧超，就急急搵嘢分散注意，今日（30日）忽然上載紅髮自拍照，竟直接登上熱搜！

原來係同佢成日喺綜藝入面情同「父子」嘅頂流男星鹿晗，今日凌晨亦上載多張紅髮照，即被指係父子同款髮色，更令「#鹿晗紅髮自拍#」及「#鄧超也發了紅髮自拍照#」同登熱搜，加埋閱讀人數（截稿前）已有4,000萬人留意，二人人氣真係不容忽視，成績驚人。