陳懿德為愛犬慶生曝光豪宅內景　曾招呼近30人開P樓底極高

藝人陳懿德（德德）日前為比熊狗女「兜兜」慶祝1歲生日，還特別為牠準備了小蛋糕，儀式感十足，德德媽咪亦有入鏡，場面好溫馨，而相中更曝光德德豪宅的內景，看起來樓底極高，空間相當闊落，之前德德也曾邀請近30人到家中搞派對。德德發文寫道：「終於明點解啲媽咪會幫啲BB開AC，會唔捨得啲BB長大，你睇吓佢真係好得意，So grateful for having her」。

德德又笑指愛犬入屋後，媽媽錫狗狗多過她，笑言愛犬太可愛，自己都輸得心服口服。提起愛犬的趣事，她說：「記得有一次帶佢出街，人哋問識唔識Hand Hand或者其他技能，佢係咩都唔識，雖然已經1歲，但佢連自己個名都好似仲未識聽。」她認為沒有技能也不要緊，開心做自己便可，問父母是否也抱住這個教狗心態教你，只想你開心任由自由發展？她笑言：「我覺得隻狗同我都有呢個心態，父母惟有順住個Flow」。