林夏薇叫車珠英跟佢搵食　氣勢攻《黑暗榮耀》話題人物

集結兩大視后楊茜堯及林夏薇主演嘅台慶劇《黑色月光》，一開播即獲勁大回響，個個爭住討論，當中林夏薇「千金風」打扮更掀起內地網民模仿潮。估唔到佢最近遇上強勁對手，佢晒出同前年爆紅韓劇《黑暗榮耀》話題人物「惠廷」車珠英碰面，大家劇中角色同樣係高貴又性感，令人眼前一亮，林夏薇更豪氣留言：「惠廷啊～不要跟妍珍啦，來跟卓慧雲（林夏薇《黑色月光》角色）吧🖤😎」明顯係邀請對方一齊合作，搞到粉絲都起哄，想睇兩大女神同框拍劇。