節目巡禮︱陳曉華朱敏瀚同場零交流　拒絕合照

前港姐陳曉華與朱敏瀚2019年合作劇集《迷網》而認識，有指兩人已拍拖逾年，為朝夕相對亦已共築愛巢同居。同時又傳出兩人近日仲互相見埋家長，去到談婚論嫁階段。緋聞甚囂塵上。今日節目巡禮，陳曉華與朱敏瀚（朱仔）傳緋聞後首次同場，但兩人都異口同聲拒絕合照，朱仔笑言：「合照，驚會畀人鬧。」陳曉華亦指：「唔好影啦。」

同場，古佩玲今晚亮相公開活動，被問到是否拍拖？她謂：「係屋企人嚟，我阿嫂嘅細佬，本身佢哋住喺廣州，但因為前二日阿嫂嚟香港生BＢ，阿嫂細佬都嚟埋。 好開心，屋企又多個小朋友，好喜歡湊，但生嘅話，就係另一回事。」問到陳浚霆可有追問她的「戀事」？她笑言：「我喺社交平台講咗，佢都知，仲約我食飯，我都會去，同埋我知佢有好多狗狗，都想同佢一齊去放狗，佢都有約我。」

被封劇后的Hera對自己來年有多少套劇竟懵然不知，但認為有劇是好事：「未來希望做多啲唔同角色，唔好只係演戀愛腦嘅角色，喺《夫妻的博弈》中會同馬國明合作，我會飾演係女強人。」

問到是否因為事業處於上升期而決定五年內不婚？她說：「係我理想，想做多啲事業，衝刺吓。（有冇同朱敏瀚商量過？）係我自己決定唔需要商量。」提到兩人迴避合照，Hera否認：「冇避，佢做緊其他嘢，我唔介意同佢合作，唔會抗拒。」