啦啦隊女神轉行去搬磚？做唔夠1日就嗌攰

台灣啦啦隊「樂天女孩」隊長籃籃，樣靚身材正嘅佢同時憑直率性格圈粉無數外，近年喺綜藝主持方面成績亦相當亮眼，深得觀眾心。而不時喺社交網分享生活點滴嘅佢，日前就竟然晒出一輯地盤開工相，並分享道：「做工a籃，才剛禮拜一就已經很累了，哈哈哈！」只見頭戴安全帽、披白色毛巾嘅籃籃，身穿白色小背心襯短牛仔褲，可愛模樣引嚟唔少粉絲留言道：「原來不是買房子，是自己蓋的呀！」、「搬磚囉～其實有種你好壯的感覺。」、「偶的天！這主題太可愛了！」、「籃籃超可愛！」