啦啦隊女孩爆衝突　網友狠批畇二冇禮貌

台灣啦啦隊「Passion Sisters」啦啦隊成員畇二，有着甜美笑容及豐滿身材嘅佢，人氣高踞不下。而日前上琳妲節目宣傳新寫真書嘅佢，就被提及喺另一節目《炸裂吧！女孩》中，同另一成員Dora發生爭執一事，事後被網友批評心機重之餘，更因此取消追蹤對方，引嚟唔少網友熱議。

喺節目上，畇二坦誠當時自己同Dora因立場不同產生矛盾，並表情雙方喺討論過程間都情緒比較激動，加上未有刻意保持微笑嘅關係，令唔少觀眾都對佢產生不必要嘅誤會，繼而批評佢「心機重、不禮貌」，對此畇二解釋道：「當時並不是有意要表現出不友好的態度，只是當時討論比較激烈。」隨後，琳妲亦即場為畇二及Dora安排一場「和解大會」視訊，而視訊中Dora亦直言未有因立場不同而對畇二生氣，並大方回應道：「退追可以追蹤回來呀！」最後畇二亦真誠向Dora道歉。