許家傑黎諾懿搞籃球興趣班　成日孖住送暖有善心

藝人許家傑與黎諾懿一直私交甚篤，近年更經常結伴行善。日前諾懿便於社交平台晒出數張二人與一班學生打籃球的照片，小朋友們又獲贈「信物」，齋睇花絮都感覺到現場氣氛熱血沸騰﹗諾懿更留言﹕「首屆籃球興趣班圓滿結束，希望所有小朋友都可以對籃球產生興趣，進階班一定會來臨的。」

談到今次搞興趣班，諾懿解釋原委說﹕「其實係我個慈善基金，同家傑嘅籃球隊HERO搞咗個義教籃球活動，教12位小朋友打波。課程其實係由暑假開始到依家，主要受惠對象全部來自低收入家庭。」其實去年中秋，家傑與諾懿已曾到訪過護老院，趁佳節向長者送暖，與他們玩遊戲及唱歌等，當時已獲廣泛關注，不少網民都期望二人能夠繼續善舉，推行「老吾老以及人之老，幼吾幼以及人之幼」，讓世界多點溫情。