E奶短今爆瘀事尷尬到搵窿捐：想掐死自己

台灣啦啦隊「Passion Sisters」人氣成員短今（胡馨儀），憑E Cup導彈胸及渾圓美臀圈粉無數嘅佢，人氣高踞不下。而不時透過社交網分享生活點滴嘅佢，日前就分享道自己喺商場活動時，隨身手袋被工作人員鎖入育嬰室嘅倉庫中代為保管，未料當活動結束後喺等待工作人員開鎖期間，倉庫門突然郁咗一下，當下經理人即表示應該只係風太大吹郁，而短今則搞笑認為可能門後有人道：「小姐如果你在裏面的話，請你馬上出來！」未料，竟然真係有人回應道：「等一下我在換衣服！」突如其來嘅回應令短今不知所措之餘，更感到相當尷尬：「我真的很想掐死我自己…」引嚟唔少網友留言道：「我可以笑一整年哈哈哈！」、「大型社死現場！」、「結果門開了，卻沒看到人影那才是真的嚇呆了！」、「好險是人，如果門開了，沒看到人那才是的嚇呆了！」