陳妍希愈戰愈勇　逆齡打扮索到爆

台灣藝人陳妍希憑電影《那些年，我們一起追的女孩》打開知名度，其猶如初戀般嘅清新甜美氣質，更係圈粉無數。而不時透過社交網分享生活點滴嘅佢，日前其瑜伽老師就晒出一張佢身穿白色背心襯黑色長褲做瑜伽嘅相，只見將頭髮簡單紮起嘅佢，即使素顏上鏡皮膚依然光滑透亮，Fit到漏嘅身材亦引嚟網友大讚：「整個人容光煥發，狀態超絕，她一個人過得挺好。」

另外，近期熱衷拍短片分享生活嘅佢，日前亦晒出身穿水手服行商場嘅片段，並透露原本只係打算行下街就算，未料最後都係買咗嘢之餘，仲用現金卷換新嘅行李篋，而當日陳妍希嘅逆齡打扮亦引嚟唔少網友留言大讚：「好可愛呀！」、「又美又漂亮！」、「好瘦呀！」、「穿得好青春活力呀！」