岑麗香陳家樂新劇開工　唔捨得仔女：每日都心掛掛

藝人岑麗香（香香）與陳家樂今日（15日）出席HOY TV首部原創劇《我愛九龍城》開鏡拜神，兩人透露今日是首日開工，身為兩子之母的香香表示為安撫兒子而感苦惱，不過幸好有老公幫手配合。而剛為人父的家樂都有同感，坦言每日返工都會掛念女兒，笑言以為同香香做拍檔，可以返朝九晚五，怎料還是跟平時開劇一樣時間不規律，透露本身今日要陪太太同BB做檢查，無奈只能「放飛機」 ，但幸好太太冇詐型。

提到香香的兒子可跟家樂的女兒對親家，香香即善解人意地說：「唔好畀太大壓力家樂，我知爹哋對個女係好愛。」家樂稱擔心自己太寵溺及縱容女兒，也要戒一戒。問到香香會否想追女時，她笑言：「順其自然啦！啲人話一孕傻3年，我唔想傻多3年，想做個醒目嘅人。」

至於家樂可覺太太連詩雅為人母後變笨？他大膽地說：「佢向來都唔係（醒），所以少啲都冇所謂，佢係有愛心，呢方面就多咗。」另外，中文麻麻的香香自言仍是用拼音讀劇本，但就自認進步不少，加上早有完整劇本，所以有足夠時間讓她做翻譯，問題不大。