「最索主播」林婷婷對手出現　周丹妮靠靚樣上位疑變臉

無綫新聞小花林婷婷（Jacky）樣子甜美兼口才了得，深受網民喜愛，更被封為新一代「新聞女神」。正當大家都以為佢「殺盡天下無敵手」之際，近日有網民分享一段無綫明珠台新聞報道截圖，相中人就係主播周丹妮（Danni Zhou），眼大鼻高臉長長，氣質出眾，以流利英語坐主播台報新聞，大讚周丹妮靚樣似前港姐何天兒（前名何傲兒）及澳門小姐麥嘉欣混合體。

網民同時亦留意到周丹妮亦負責報天氣，有網民指其外貌似乎有所變化，有網友更貼出一個月前佢出鏡截圖，當時佢淡妝上陣、髮型平實，打扮亦比較純樸。網民由其姓氏譯音估計，周丹妮係內地出身，周丹妮畢業於香港浸會大學，考獲中英口譯資格，喺內地奪下不少英文相關的比賽，相當犀利。