孫儷被野生捕獲　低調帶仔女捧老公場

內地視后孫儷同老公鄧超結婚14年，依然相當恩愛，係圈中嘅模範夫妻。而日前網友去睇鄧超喺上海舉行首映嘅新片《勝券在握》，未料一個轉身竟然發現孫儷帶住一對仔女，坐喺該名網友背後，令佢忍唔住拍片分享道：「誰能想到一回頭娘娘竟然坐在身後！」

向來私生活低調嘅孫儷，當日將頭髮簡單紮起，身穿針織上衣牛仔褲打扮樸素，而全程面帶微笑嘅佢，更係母愛大爆發，同仔女嘅有愛互動認真羨煞旁人，而孫儷亦大讚老公嘅電影好好笑：「每個笑點都在我的笑點上。」甚至表示該電影令佢重新認識鄧超，至於囝囝「等等」亦表示：「這是我看過爸爸拍過最好看的一部電影！」