鍾嘉欣真實同樣「醫」到人　一舉動令病人奇迹痊愈

藝人鍾嘉欣2021年於《星空下的仁醫》飾演醫生演技大獲好評，更勇奪馬來西亞視后，但原來不但戲中醫術了得，現實中同樣成功「醫」人。有網民發文透露自小喜歡鍾嘉欣，後來在中學時期不幸患有紅斑狼瘡，故鼓起勇氣告知偶像希望獲得對方鼓勵，結果鍾嘉欣親自錄下足足成分鐘長的錄音送上加油打氣說話。

錄音中嘉欣表示：「Hello Cherry你好，我係嘉欣呀，我得知你嘅消息啦，我希望喺呢個短短嘅口訊裏面，可以畀到啲鼓勵你，去面對嚟緊你嘅……要接受嘅療程啦，咁我亦都希望你可以快啲好番，亦都希望可以搵到一個方法適合你嘅方法，去治理你嘅身體醫治到呢個病。我相信呢個世界係……有呢個……點講呀……係咪叫奇迹呀，我覺得呢個世界係會有方法去扭轉一啲病情㗎。首先係唔好咁擔心啦，一定要正面去面對，同埋相信你一定會好番，咁喺度……加油呀！」而最終網民亦奇迹般痊愈，即令其他網友深受感動。