衛詩雅明年做人妻　自爆「小朋友」已經6歲

演員衛詩雅（Michelle）明年將與醫生男友拉埋天窗，成為人妻，近日她在社交網率先披露原來她的「小朋友」已經6歲，衛詩雅說：「6年前，我為自己整咗一個分身，就係成為KOL，正式開啟自己嘅『斜槓人生』，透過《衛食攻略》捐窿捐罅介紹香港特色美食。唔經唔覺我嘅網上頻道都踏入6周年啦，好開心睇住自己養育咗6歲嘅小朋友愈嚟愈受大家喜愛，令我無論平時工作幾忙，都依然有動力繼續諗題材，希望介紹更多美食畀大家同嘗試更多唔同類型嘅影片。」