黃曉明多得葉珂帶挈　累新片票房日收20萬人仔

內地影帝黃曉明因為女友葉珂被鬧搞到周身蟻，更疑拖累新片《戴假髮的人》票房，即使佢代女友鞠躬道歉都無補於事，今日（21日）有指，《戴》自16日上映至今已有6天，截至發稿前嘅票房平台顯示，該片票房435萬人民幣（約467萬港元），單日票房更是跌至20萬人民幣（約21萬港元）。

回顧拍片過程，黃曉明其實都吃足苦頭，為角色喺短時間內斷食、刻意減重15公斤（約33磅），瘦到臉頰凹陷、滿臉鬍渣勁憔悴，更因此留下後遺症，出現腸胃不適，偶爾出現心悸，黃曉明自己都話好痛苦又傷身，呼籲大家唔好學自己。未料票房不似預期，由於該片製作成本超過1億人仔，從目前票房成績睇，新片恐怕無法回本。