「賈名媛」邱芷微阮政峰10年前已結緣　忘記男方暗戀自己

藝人邱芷微（Chelffy）憑無綫處境劇《愛．回家之開心速遞》的「賈名媛」一角成功入屋，不經不覺已經做了8年「賈名媛」，日前她與阮政峰譜出一段「錯綜複雜的戀情」，成為該劇新CP，網民讚她有「野蠻女友」的味道。其後她獲愛回家的鐵粉告知，原來她與阮政峰早在10年的愛回家系列中早已相遇，驚訝與政峰的關係橫跨兩季，表示：「都係最近有位愛回家fans 傳咗幾張cap圖畀我，10年前嘅劇情話阮政峰帶林師傑去見自己暗戀嘅太子女，嗰個太子女就係我，當時我只係客串一角，之後劇情就沒有詳細交代去向。」Chelffy甚至已忘記這段戲份，她表示：「啱啱開始拍劇唔會好多戲畀你發揮，現在有了固定角色和發展線，多了與其他演員交流，才會令觀眾對我們的演出留下深刻印象。」問可擔心自己被定型，減少演出其他角色的機會？Chelffy表示做演員要珍惜每次機會，只會想如何演好角色，令觀眾記得自己。