陳瀅性感造型出席時裝騷　王浩信化身時尚達人盛裝現身

藝人陳瀅和視帝王浩信出席香港時裝設計師Kay Kwok的時裝騷，陳瀅獲安排穿上一件籃色大露背兼露腰晚裝登場，展示姣好身段，白滑肌膚相當吸睛，她說：「其實我入行前係做模特兒嘅，只係身高問題唔能夠行catwalk，估唔到依家反而以演員身份有機會出席時裝展，好開心。近年我都有出席過巴黎時裝周，不過同喺香港睇騷感覺完全唔同，今次都覺得幾新鮮。」據悉，完成昨晚工作後，陳瀅便「收爐」返加拿大享受假期，並預告明年初才復工。

至於現身睇騷的視帝王浩信則表示：「好驚嘆香港同內地嘅時裝設計師，依家嘅視野好前瞻，啲衫好靚，好為佢哋而驕傲。嚟緊如果有機會上台唱歌嘅話，我都好想同佢哋合作，佢地啲設計好啱舞台用。」