古巨基任聖誕亮燈主禮嘉賓　與兒子表演「撞歌」齊練習

歌手古巨基（基仔）日前應邀擔任尖沙嘴酒店的聖誕亮燈特別嘉賓，並「應節」演唱《White Christmas》及《Santa Claus Is Coming To Town》兩首聖誕歌，提早與來賓迎接聖誕。基仔回想中學時會約同學由沙田屋企出尖沙咀睇燈飾，留下很多美好回憶，轉眼多年，冇想過可以在這裏唱聖誕英文歌，感覺微妙。

其兒子Kuson、父母和外父外母都一齊來捧場，十分溫馨，Kuson更興奮得，邊叫爸爸的名字。問到今年會買甚麼聖誕禮物給Kuson，基仔說：「今年應該會送關於九大恆星嘅圖書同埋玩具畀佢，因為佢最近好鍾意關於星球嘅嘢。（教Kuson唱聖誕歌？）佢睇完我今次表演之後就問我，點解唱咗佢要喺學校表演嘅聖誕歌，原來佢之後要喺學校表演，呢兩日我哋兩父子久唔久都一齊練歌。」