趙露思甜品店執笠　曾遭員工偷錢搶商標

內地「甜寵女神」趙露思近日新劇收視走下坡，同時喺2021年創業開嘅甜品店，雖然因韓系裝修吸引無數網友、網紅打卡朝聖，但日前竟然又無預警宣布暫停營業。

趙露思所創立嘅甜品店位於杭州橫店，據悉該店由佢親自監工，共有3層樓高，裝潢採用韓系甜美風，並設有多個影相打卡靚位，甚至仲擺有佢主演過嘅大狐狸玩偶，提供畀粉絲影相留念，未料日前甜品點就宣布因租約期滿及業務調整關係，從11月23日起暫停營業，並感謝大家開業至今嘅支持外，更透露未來新分店位置：「聚散有時，期待我們成都見。」

事實上，趙露思嘅甜品店自創立以來風波不斷；曾有員工喺結帳時將客人嘅錢匯到自己戶口，事後遭到開除，未料該員工離職後，竟疑似冒用甜品店的帳號販售食品，而甜品店為此更改名，並發出公告提醒民眾不要買非官方生產嘅產品，而趙露思本人也為此在公告下留言道歉。此外，趙露思嘅甜品店更被房東搶先註冊商標，所幸最後因涉及不正當競爭，房東申請無效。如今甜品店無預警關閉，雖新店地點以確定，但重新開張日期卻未發布。