譚凱琪龔嘉欣拍住上搵銀　考慮出年出男裝

藝人譚凱琪向來投資有道，近日與好友龔嘉欣合作推出時裝，她表示屋企雖然有做時裝生意經驗，今次合作主要因為與嘉欣想法一致，現時除網上銷售外，亦在會台灣開實體店，自言一向有上網買衫的習慣，自從做媽媽後，時間更加分秒必爭，亦好想分享自己設計的時裝，她表示：「我同嘉欣嘅喜好不同，佢比較女仔啲，我就知性啲、淑女型，品牌剛推出兩個月，依家策劃緊明年春夏新衫，希望推出男裝。（想唔想同嘉欣一起搞飲食？ ）知嘉欣做飲食好叻，以前我都接觸過飲食少少，唔抗拒學習，不過要兼顧埋廚房好多方面，覺得未handle到。」

提到她有份主演的無綫劇集《異空感應》飾演惡上司，她表示劇集是兩年前拍下，講笑最緊張自己能否保持狀態：「我覺得我個樣唔笑係有啲惡，所以平日要笑多啲，驚觀眾怕咗我。」聖誕計劃與小朋友，兩家人一同出外旅行，享受陽光與海灘，兩家人一同去旅行最大的好處是可由長輩幫手湊小朋友，她便可以認真放假休息。