任晴佳巴黎名媛舞會戰張藝謀愛女　竟然齊輸低胸星媽

國際名媛界事盛事巴黎名媛舞會（le bal），每年都會邀請各國年齡介乎16至22歲來自名門貴族的少女參加，今年就有內地名導張藝謀17歲愛女張壹嬌、藝人任達華及名模琦琦20歲獨生女任晴佳做舞會東方代表，點估到今次最搶鏡嘅竟然係兩位Deep V上陣嘅星媽，「峰頭」蓋兩位千金。

當中任晴佳以一襲深紅色立體剪裁ruffle，獲形容「開朗自信，洋溢着青春氣息與時尚氣息」；張壹嬌則以斯文藍色緞面長裙晚裝示人，獲哥哥張壹丁做舞伴拖實出場，溫馨又有氣質。

點知張藝謀太太陳婷則以一襲藍色低胸小禮服露出傲人事業線，年屆74歲嘅張藝謀都甘願拋下名導身段，眾目睽睽下頻頻踎地為愛妻拍美照，成為現場矚目焦點。陳婷同外國賓客交談時，張藝謀則在旁靜靜聆聽，二人遇到任達華夫婦時亦相擁傾談，氣氛和諧。而琦琦着上Deep V長裙，心口掛有十字架，披上西裝外套，高貴大方之餘又甚有睇頭，任達華則以隆重西裝示人，留有鬚根更型仔。