小映化身日本妹　伸脷賣萌搶盡眼球

台灣啦啦隊「Dragon Beauties（小龍女）」成員小映，有着甜美外貌及玲瓏浮凸身材嘅佢，不時透過社交網分享生活點滴，人氣高踞不下。而隨着棒球賽季落一段落，把握機會去咗日本宮嶇賞楓嘅佢，日前亦晒出秋味濃嘅靚相，只見身穿日系白色長裙嘅佢，胸前以立體小花點綴，驟眼望落成個氣質出眾嘅日本妹咁，可愛模樣引嚟唔少網友留言道：「人比楓葉還美。」、「重點都放在女神身上…」、「最萌的映幫主。」此外，仲有唔少日籍網友留言大讚小映可愛。