Angelababy舊照出土　至今狀態依然宛如少女

內地女星Angelababy（楊穎）去年陷「19禁風波」被封殺後，一直努力復出試水溫，近期逐漸重回幕前嘅佢，其工作室更於日前晒出一系列着薄荷綠西裝出席活動嘅氣質美照，精緻五官及燦爛笑容更引嚟唔少網友留言道：「多按這種拍照方式來，實在是太美了！」、「我姊就是人間芭比！」、「超美的，最近狀態超好，美美出圈！」

此外，亦有網友翻出Angelababy嘅舊照道：「baby姐只需要略略一出手，這和早期也沒甚麼差別！」只見初出道嘅Angelababy望落雖然清澀、稚嫩，但整體五官、輪廓同依家都相差無幾，認真駐顏有術。