張曦雯幫唐詩詠牽紅線　爆對方對外國人興趣一般

藝人張曦雯昨日出席華僑銀行活動，從芝加哥回港的媽咪亦有到場支持。張曦雯指父母跟大班親友今年來港過聖誕，早前已跟先行回港的媽咪快閃東京一周：「食嘢同睇富士山。（男友呢？）佢嚟咗2日，主要負責翻譯。」問到媽咪對未來女婿的評價？她笑指媽咪的喜歡程度比自己更高。

她又透露已預備了25人的餐單，準備招呼親友在家中吃聖誕大餐，笑言今年未必有時間招呼其他好友。問到是否有「筍盤」介紹給單身好姊妹？她指男友有很多高大靚仔的外國「筍盤」，亦曾介紹給好姊妹唐詩詠，但對方對外國人興趣一般。