李多慧獨守空房嗌凍　漏夜求救取暖秘訣

韓籍啦啦隊女神李多慧，有着精緻五官及玲瓏浮凸身材嘅佢，加上活力爆滿嘅性感舞姿，圈粉無數。而今年移居台灣生活嘅佢，繼早前深夜着睡衣出街食消夜後，日前又透過社交網表示，韓國屋企冬天有地暖保暖，但台灣屋企就乜都冇，令佢忍唔住問大家冬天如何取暖：「需要買暖爐嗎？」引嚟唔少熱心網友紛紛推薦自家保暖方式，最後李多慧亦聽從網友建議，發現冷氣可以開「暖氣」功能，先終於脫離寒冷嘅閨房。