鄭希怡做霸氣王后　原來鏡頭後好Wild

回流香港再戰樂壇的鄭希怡（Yumiko）狀態大勇，在社交網分享穿上多套低胸晚裝的索爆造型，又總括過去一年的成績：「不算太順利，但也有很多收穫，起碼得到一個更自律，更願意付出努力的自己，明年繼續以善意面對這個世界。」

而日前以頒獎嘉賓身份出席海南島電影節活動後，又忙於宣傳內地劇《九重紫》，飾演「萬王后」的她，鏡頭前霸氣十足，但鏡頭後卻相當狂野，在休息室拍跳舞片自娛。她接受訪問時表示：「套劇喺內地播緊，見到反應咁好，我都好開心，拍呢啲個劇都幾有趣，因為我都係第一次喺古裝劇度打麻雀。」

她又讚劇中的男女主角李昀銳及有「最美穆念慈」之稱的孟子義「螢幕CP感」強，編劇用心創作立體角色，畫面又靚，問到演王后有何準備？她說：「拍攝時都會睇番啲Play Back，我用咗大部分時間去排戲、背對白同練眼神、動作咁，盡量一Take過，呢個王后幾有故事，但唔可以劇透，所以唔講得咁多住。」