鄭梓浩是非纏身求出路 轉攻內地拎選秀第一名出線
2024年12月18日 17:01
東網電視
更多新聞短片
《中年好聲音2》鄭梓浩(Brian)早前驚爆性醜聞,更疑一腳踏三船,人氣一落千丈。眼見香港市場容不下身,佢決心轉戰內地,遠離是非之地繼續搵銀。最近佢被發現除經常開直播收課金吸粉外,仲參加內地電視台嘅選秀節目《超級老聲2024》,成功踩入內地娛樂圈。
佢以林子祥經典金曲《敢愛敢做》掀全晚高潮,又大唱Beyond金曲《海闊天空》成功獲評判高度讚賞,以100分滿分成績贏得第一名出線,獲得不少網民支持,簡直威到爆。鄭梓浩獲內地知名音樂人愛新覺羅.啟笛高度讚賞:「我覺得你們太牛了……真棒!」內地撈得掂,睇嚟香港歌壇有排都見唔到佢喇。