陳美濤自爆每次參賽必升Cup　A變C有咩秘訣？

第35屆亞洲小姐競選全球大賽香港選區16位佳麗今日（18日）於尖沙咀出海拍攝泳裝宣傳照，因為其中一位佳麗Joyce退賽，由「選美達人」練樂儀取代，曾奪得2019年亞洲美人魚小姐冠軍的她，今次是繼2020年後再次參選亞姐，她受訪時笑言為了今次參賽特登減磅：「我減咗10磅左右，咁啱之前有美人魚活動，所以可以減到有線條。」練樂儀現職護士，為了專心比賽，直言連護士工作都已辭任，鬥心十足。

至於曾三度參選亞姐的陳美濤，自爆每次參選都會升Cup：「我第1次參選時是A，第2次參選就變B，到今次已經升到C！(有甚麼豐胸的秘訣？)每次參選都會認識到鍾意扮靚嘅女仔，咪増加咗唔少豐胸嘅心得，同埋選美都會令自己有動力去變得更靚，依家仲日日食緊代餐Keep Fit。」