日籍啦啦隊女神台灣化　自爆1習慣被改變

台灣統一獅啦啦隊Uni Girls日籍成員千紘（Chihiro）、希美（Nozomi），自從今年來台發展後人氣高踞不下，而日前受邀上網絡訪談節目嘅佢哋，提到台日文化差異時，希美表示喺日本唔會有球迷持相機影啦啦隊，相反喺台灣令佢有種備受矚目感覺之餘，由於2人係第一次喺台灣過聖誕節，所以當街頭充滿聖誕氣氛時：「但我還在穿短袖，就覺得有點怪！」

至於團隊氣氛方面，2位日籍成員亦大讚台灣成員親切外，更會趁閒暇時間約飲酒，同日本最大差別嘅係仲可以同球員互動：「我們團隊就像家人，大家都是夥伴，團隊氣氛很好，也會和球員聊天搭話,會講日文的選手會用日文和我們說講話！」最後，2人亦提到日本人每次都會提早30分鐘習合，但因為台灣人冇早到嘅習慣，所以依家都改成提前5-10分鐘到，並自言愈來愈「台灣化」。