秦嵐谷胸吊帶裙踢走大媽稱號　狀態大勇閃爆全場

內地女星秦嵐出名係圈中凍齡女神，不過最近佢因為剪咗超短髮型，被網友譏諷變50歲大媽。唔好以為女神咁就被打沉，佢繼續以同一髮型出席活動，尋日（22日）佢喺南京品牌活動現身時，以一襲貼身銀色吊帶裙示人，被讚閃爆全場，身材香辣四射，將自己胸圍、腰圍、臀圍多維度綜合打造極致身段，被大讚睇背影都夠晒迷人。活動上佢更換上鏤空黑西裝，知性優雅美溢出螢幕，更大晒一眼萬年嘅回眸，狀態大勇。