Me＆化身聖誕精靈　黃淑蔓交換禮物最怕有伏

女團Me&兩位成員黃淑蔓（Feanna）及連家穎（Vian）趁聖誕節化身精靈，推出充滿節日氣氛的歌曲《Me& My Christmas Town》，又互贈獨一無二的聖誕卡。Feanna花盡心思設計，Vian則寫下滿滿的深情說話，友情教人感動。

談到聖誕派對及禮物，Feanna打趣說：「每年我都會將屋企唔等使嘅嘢儲埋，留番喺聖誕派對抽獎及交換禮物，送晒出去。我唔明啲人點解要專登去買一件咁伏禮物去抽獎？因為我全屋都係。」Vian憶述最爆笑的一次：「大家都對最大嗰份禮物虎視眈眈，結果畀我抽中，咁撕開包住嘅報紙，竟然係個西瓜！」兩女又不約而同表示想往芬蘭過聖誕，Vian說：「我哋都係浪漫因子爆棚同好重儀式感嘅人，嗰處嘅聖誕老人村係我哋夢寐以求嘅地方。」