簡淑兒意大利修讀烘焙班　猶如重返大學時光

藝人簡淑兒（Jessica）向來熱愛烘焙，最近她到了意大利修讀一個無麩質烘焙班，令她大感獲益良多，她表示今次在當地上了一星期課，感覺猶如重返大學時光：「因為學校有宿舍，我同其他同學一齊喺宿舍住咗一星期，同以前大學一樣係唔夠暖氣，宿舍好凍，我冚咗3張被仲係好凍，要着埋襪瞓覺，學校附近有農場，每日凌晨4點、11點、5點就有雞啼，所以瞓得唔係咁好，不過最開心係識到來自世界各地嘅同學，有啲係專業廚師，有啲同我一樣係業餘人士，雖然只係相處咗一星期，但已經好快熟絡咗。」問到會否學唐詩詠開麵包店？Jessica坦言香港租金太過昂貴，她說：「而且我係一個比較驚青嘅人，要有十成把握先做，所以我依家不停去學習更多相關知識先啦！」