小S賀大女美國返嚟　化身良母落廚煮好餸

台灣女星小S（徐熙姊）2005年嫁給老公許雅鈞（Mike）後，育有3個寶貝女兒，其中大女兒Elly（許曦文）因為擁有厭世高級臉，被稱作「台版金高銀」，更係時裝界嘅寵兒。而早前去咗美國求學嘅佢，日前亦趁假期返屋企同家人團聚，身為媽媽嘅小S，更大秀廚藝幾乎每日都煮Elly鍾意食嘅嘢，中午更煮薯仔薯燉肉畀許老三，夜晚又燉紅棗枸杞雞湯畀家人補身，對此小S更即興RAP道：「你說我真的是不是好媽媽、好媽媽，長得又漂亮，竟然還很popular，你說老天是不是有一點太愛我，我很shy，請不要這樣！」