峮峮對林襄邊個日本最紅？日本球迷吐真相

隨着世界12強棒球賽事圓滿落幕，台灣啦啦隊嘅「台式應援」亦搶盡眼球，日前更有台灣網友喺社交網透露，經過同日本球迷交流後，發現：「台灣女生都好可愛！但是Passion Sisters比較可愛！」並指出以外貌而言，有着甜美五官嘅峮峮更符合日本審美，並認為峮峮人氣比林襄更高：「林襄很可愛，但是以日本人喜歡的類型來說，應該會是峮峮被喜歡的更久更久！」未料貼文亦引嚟峮峮留言道謝。