中年好聲音3︱劉洋隊曾爆失聲風波　重整旗鼓贏得全場最高分

無綫節目《中年好聲音3》在昨晚（29日）播出一集中，新增了音樂人Eric Kwok任嘉賓評審，35位選手分為7組比併。在本回合獲最高分的劉洋隊，在分組後曾爆「失聲風波」，隊員趙浚承稱吃過蛇羹後突然失聲，需由王鄭浚仁代唱；曾以男子組合Square出道的趙浚承則坦言曾經放棄唱歌，因覺得自己冇機會：「同呢班人聚埋有共同喜好同愛好，好難得，我掹車邊跟住佢哋。」五人演繹《我的歌聲裡》獲張佳添激讚：「你呢班人可以成團，好厲害！」而屈居第二的黃博隊，獲周國豐大讚表現極佳，Eric Kwok更被黃博的演技吸引著：「佢好有戲，成個表情話畀你知隻歌講乜、唱緊乜，身為歌手有戲好緊要。」至於包尾一隊胡家健隊就被Eric Kwok狠批台風騎呢，又直指獲尾二的莫麗淇隊是災難式演出。