叱咤︱Gin Lee終奪女歌手金獎　封歌后嗌：叫我阿金！

《2024年度叱咤樂壇流行榜頒獎典禮》叱咤樂壇女歌手獎項出爐，銅獎得主為首奪女歌手三甲的雲浩影，陳凱詠奪得銀獎，而金獎則是終於打破「萬年女銀」宿命的李幸倪（Gin Lee）。

雲浩影首獲銅獎，沒有再喊的她多謝家人：「爸爸、媽媽喺度，爸爸唔會講支持我，但睇我嘅MV，因為佢話點擊唔高，公司唔會幫我出歌。」而得銀獎的陳凱詠亦多謝家人及曾不歡而散的前唱片公司，至於金獎得主是頂頭大熱的李幸倪，滿眼淚水的她表示：「我行呢條樓梯行咗15年，多謝公司，亦多謝我家人，佢哋搬嚟香港陪我一齊追夢，所以唔係我一個追夢，多謝扶我一把嘅人，多謝你哋等找咁久先上到『女金』，要相信自己比想像中更強大，唔好放棄，唔好叫我萬年女銀，叫我阿金。」