蔡依林「新歡」曝光　難掩喜悅：開心到模糊

台灣天后蔡依林（Jolin）不時透過社交網分享生活點滴嘅佢，日前就晒出自己新識嘅「朋友」，原來不嬲鍾意試嘢嘅佢，最近開始玩「匹克球」，只見身穿運動Look嘅佢，頭上仲戴住頂可愛嘅黃色針織帽，攞球拍擊球嘅模樣更係望落相當熟練，然而「帥不過一秒」，為咗打到波嘅蔡依林更差啲跌落地下，令佢忍唔住自嘲道：「開心到模糊。」事實上，先前傳出蔡依林將於今年底登上大巨蛋，檔期有可能跨到聖誕節同跨年倒數，針對消息，蔡依林嘅經理人亦回應表示新專輯跟演唱會係同步發想，但詳情仍在規劃中，如果有消息會再宣布。