鮮娛糧｜陳凱琳賀細仔2歲生日　龔嘉欣譚凱琪踩梳化狂跳

藝人陳凱琳（Grace）下嫁視帝鄭嘉穎後，轉型KOL發展，成績相當不俗，雖然她相當忙碌，但對3個兒子依然照顧有加，是繼陳茵媺之後另一位Super Mum。日前細仔CARLOS兩歲生日，嘉穎及Grace為他舉行了一個生日會，更請來不少小朋友及大朋友一齊參與，而Grace的好姊妹龔嘉欣及譚凱琪亦有一起出席，小朋友玩得開心之外，她們亦好興奮，更齊齊踩上梳化跳舞，Grace於社交網留言及PO片：「三個女人一個墟，再加埋成屋細路，well-this happens.」而嘉欣都有回應：「成十幾個細路仔輪流過嚟入鏡，我哋NG咗好多次，結果惟有預埋佢玩。」

此外，Grace亦有PO出全家福照片，更向壽星仔CARLOS留言：「鄭承太~爸爸媽媽用咗太陽嘅太字為你改名，因為由你出世的時候，已經感覺到你帶畀人嘅溫暖同歡樂，你嘅笑容同笑聲令每個人都被你嘅正能量感染。」照片中的CARLOS與Grace親吻，眼仔睩睩、臉仔肥嘟嘟，相當可愛。