劉亦菲威盡奪總台視后　現身盛典全場歡呼

內地頂流女星劉亦菲去年憑《玫瑰的故事》再創事業巔峰，近日佢更榮獲視后之名，以實力印證演技。前日（12日）第三屆中國電視劇年度盛典於北京舉行，劉亦菲以《玫》獲得總台視后，當時更同另一位視后是演員宋佳牽手走上頒獎台，獲粉絲大讚充分體現「真正獨立則天地皆寬」，而該盛典於今日（14日）播出「盛典之路」部分片段。

因為現場未有設直播，因此二人獲獎片段、獲獎打扮均未曝光，不過就已經有入到現場見證劉亦菲獲得總台視后殊榮一刻流出，見佢同宋佳都以深色打扮現身，佢一身Low Cut刺繡貼身魚尾裙出場，引得全場歡呼，不負「神仙姐姐」之美譽。