鮮娛糧丨關曉彤心口開窿騷美胸　網友狂插「大頭照」冇美感

內地女星關曉彤，出生自藝術世家嘅佢，外貌甜美、氣質出眾嘅同時，其42吋長腿更係圈粉無數。而日前出席內地影視平台活動嘅佢，竟然無懼「時裝車禍」陰霾，收埋逆天長腿大騷美胸，只見一連換上兩套長裙造型嘅佢，先係黑白公主裙閃亮登場，大騷香肩鎖骨及冷艷氣質，之後再換上一套心口開窿嘅緊身長裙，從氣質美女變為性感辣妹之餘，氣質出眾嘅佢更係將性感同高雅美出一個新高度，引嚟唔少網友大讚：「這一次很美！這樣的造型就對了！」、「太美了，狀態好好！」更有粉絲認為工作室應該換一位攝影師，張張超近距離嘅「大頭照」毫無美感，認真搞唔掂！